公視台語台 | 台語家庭計畫｜樂暢撋麵粉開講會料理課

【母語生活化】台語家庭計畫 家長指意識培力、大人課程傷少 | 公視台語台 | 20250409

文化部對舊年12月，

開始辦台語家庭計畫，

到今第一階段的台語家庭認證結束矣，

有家長認為，

各地區活動分佈誠無齊勻，

其中意識培力課和大人的課程也傷少，

欲完成這寡規定的課程蓋困難。

也有學者認為，

這个計畫猶有真濟人毋知，

建議文化部會當佮學校抑是親子議題的意見領袖合作，

台語家庭計畫才通予愈濟人了解。