【 來去台北弄險—特別來賓 】
- 7分钟前
- 讀畢需時 2 分鐘
Khok khok khok⋯有批喔！
－:+:－:+:－:+:－:+:－:+:－:+:－:+:－
【 來去台北弄險—特別來賓 】
我是黃震南，是一个國校的老師，
嘛是一个共冊「藏起來」的「藏書家」。
阮老爸佇三十冬前就規劃
嘉義縣朴子市「船仔頭」的導覽工課，
自細漢我就綴咧聽；
阮老爸嘛是蒜頭糖廠導覽路線佮內容的規劃者，
擔任蒜頭糖廠的站長，
伊嘛叫我過年過節的時來會社共伊鬥解說，
所以我嘛佇蒜頭糖廠做導覽義工十外年矣喔！
咱會對臺北車頭出發，
了解臺灣鐵支路的歷史，
對古早的日本人講的「停車場」
到這馬看著的第四代車頭，
有偌濟詩文作品佮歌曲咧描寫伊的故事？
日本時代佇各地火車頭，
會當頓「風景印仔」佇光批面頂做紀念，
咱來看古早時陣的「風景印仔」設計甲按怎？
若準講前站是日本人蹛的、貴參參的所在，
後站就是咱臺灣人的天下啦！
咱做伙散步到圓環，
想像彼時陣的百貨是按怎送到遮的倉庫，
圓環邊公車、人力車來來去去，
閣有人來食路邊攤仔，是啥款滋味？
敬祝 平安順心
震南敬上
－:+:－:+:－:+:－:+:－:+:－:+:－:+:－
全台罕見台羅主題夏令營
【2026 歇熱笑咍咍台羅營：來去台北弄險！】
⭑ 初階班：基礎紮根，趣味弄險
時間： 2026/7/20 (一) - 7/22 (三)
⭑⭑ 進階班：深度挑戰，展現才調
時間： 2026/7/23 (四) - 7/25 (六)
逐工 9:00-17:00
✧ 活動亮點
Day1. 坐雙層巴士遊賞台北城，
去大安森林公園奕古早味的「鬼掠人」！
Day2. 參觀臺灣博物館鐵道部園區；
用台羅拼音挑戰「逸仙公園轉型正義」解謎！
Day3. 特別邀請神秘來賓
.＼＼黃震南老師／／.
做伙佇臺北車頭揣歷史的跤跡；
繼續步輦去大稻埕！
✧ 地點： 樂暢親子共學空間
（台北市大同區長安西路 78 巷 4 弄 5 號 2 樓）
✧ 對象： 5-12 歲會當家己上課的囡仔
（每班 16 人滿班）
✧ 𤆬隊主持： 蔡秋芬 老師
－:+:－:+:－:+:－:+:－:+:－:+:－:+:－
想欲練膽的台語囡仔，
早鳥優待到 5/15，
mā 愛加入樂暢官方LINE：https://lin.ee/jqY7HN9j
信息才袂落勾！
留言